Një i ri shqiptar ka humbur jetën dhe një tjetër është plagosur në një aksident rrugor të ndodhur këtë të shtunë në Greqi, sipas mediave lokale.
“Rodiaki.gr”, raporton se aksidenti ka ndodhur rreth orës 5 të mëngjesit në ishullin Karpathos. Një makinë, në rrethana që mbeten ende për tu zbardhur nga hetimet, është përplasur me një pemë, në rrugën që lidh zonat Pigadia – Aperi.
Nga impakti ka humbur jetën një 31-vjeçar dhe është plagosur rëndë një 44-vjeçar. Identitet nuk bëhen me dije, por raportohet se të dy janë me origjinë shqiptare. /BN/
