Lidhja Demokratike e Kosovës, pas përfundimit të mbledhjes së Kryesisë, ka bërë të ditur edhe njëherë se nuk e pranojnë ofertën e Lëvizjes Vetëvendosje për koalicion. Ajo ka thënë se oferta e VV-së i shpie në garë këto dy parti.
Kandidatja për kryeministre, Vjosa Osmani, e ka ftuar edhe njëherë VV-në që të shqyrtojnë ofertën për bashkëpunim me LDK-në, por duke e pasur të qartë se kjo parti nuk do të pranon asnjë ofertë tjetër përpos asaj që është thënë publikisht.
“Oferta e VV-së na shpie në garë mes vete, e ne jemi në garë me PAN-in. Ne mbesim të hapur dhe i kërkojmë edhe njëherë VV-së që të shqyrtojë ofertën tonë. Nuk duam garë mes militantëve tanë. Të rimednojnë edhe njëherë dhe ta ndryshojnë qasjen Ne shpresojmë që VV do ta rimendoj qasjen e vet dhe kërkojmë nga VV- të shqyrtojë ofertën tonë me kandidatin e LDK-së për kryeministër’, u shpreh Osmani.
