Katër persona janë plagosur, dy prej të cilëve në gjendje të rëndë, si pasojë e një aksidenti në aksin Fushë Krujë-Tiranë.
Aksidenti ka ndodhur rreth mesnatës së të mërkurës, ku një ambulancë është përplasur me 2 makina të tjera.
Në aksident janë përfshirë një autoambulancë që vinte nga Peshkopia dhe dy autovetura, një mjet tip ‘Volksvagen’ me targë AA748IU dhe një mjet tjetër me targë AA200AP.
Dy prej të plagosurve janë shtetasit Hysni Lifa dhe Ideal Kaloshi të cilët janë dërguar fillimisht në spitalin e Fushë-Krujës, dhe më pas janë transportuar drejt atij të Traumës në Tiranë, pasi gjendja e tyre paraqitet mjaft e rëndë.
Mësohet paraprakisht se shkak i aksidentit është bërë njëra nga autoveturat, e cila ka ndërprerë në mënyrë të gabuar rrugën.
Policia ka mbërritur pas momentit të aksidentit në vendngjarje dhe po punon për zbardhjen e plotë të shkaqeve të ngjarjes.
