Shoferja e garave, Jessi Combs, e konsideruar si “gruaja më e shpejtë në katër rrota”, u vra në një aksident automobilistik duke u përpjekur të thyejë rekordin e saj.
Automjeti i Combs u rrëzua të martën në shkretëtirën Alvord, ku ajo u shpall e vdekur në vendin e ngjarjes, thanë në një deklaratë oficerët në shtetin veriperëndimor të SHBA, Oregon.
39-vjeçarja, fitoi titullin e saj si “gruaja më e shpejtë” në vitin 2013, kur ajo arriti 641 kilometra në një orë, dhe policia tha që përplasja fatale ndodhi ndërsa ajo ishte duke u përpjekur të arrinte një tjetër rekord, 813 km/h.
Combs e humbi jetën në të njëjtën makinë që provoi të thyente rekordin tre vite më pare. “Shqiponja Supersonike” quhej makina që i mori jetën pilotes dhe prezantueses amerikane.
Jessi Combs njihej dhe si prezantuese pasi ishte shaqur në programacione të ndryshme televizive në SHBA. Ajo u përpoq edhe më parë të thyejë rekordin e saj gjatë tetorit të shkuar, por nuk ja arriti.
Sipas mediave të huaja, ajo ishte në gjendje të tejkalonte shpejtësinë e saj të mëparshme për të arritur në 483 milje në orë, por një problem mekanik nënkuptonte që rekordi nuk mund të vërtetohej zyrtarisht.
