Një ndeshje futbolli në kampionatin serb, mes Metalac dhe Backa është shndërruar në një betejë të ashpër me grushte dhe shkelma mes futbollistëve, duke bërë që fusha e futbollit të dukej si një ring madhështor.
Gjithçka nisi pas dëmtimit të futbollistit të miqve Markovic, por vendasit nuk ndalën lojën dhe shkuan e shënuan gol, ndërsa më pas u provokua edhe sherri i madh, ku u përfshinë shumë futbollistë.
Takimi rifilloi sërish pasi u rivendos qetësia, ndërsa arbitri nxori plot 4 futbollistë nga fusha me karton të kuq dhe ndeshja u mbyll me fitoren e vendasve me rezultatin 2-0.
