Edhe pse në opozitë kur mendohej se partitë nuk do kishin shumë ‘nerva’ për të organizuar ahengje dhe argëtime, të rinjtë e Lëvizjes Rinore për Integrim janë mbledhur sërish në Jalë, ku si çdo vit organizojnë kampingun e tyre.
Lojëra politike, ushqim, këngë, valle e humor, janë disa nga aktivitetet e të rinjve, ndërkohë që pjesëmarrja këtë vit duket se ka qenë e dobët, ndoshta për shkak edhe se kampingu është zhvilluar në fund të verës…
Por, ajo që bie më shumë në sy është pjesmarrja e shumë prej personazheve të njohur të ekraneve dhe gazetave, të cilët edhe pse në dukje artistë, po shihen gjithnjë e më pranë politikës.
Ish-deputetja Floida Kërpaçi shihet buzagas teksa në skenën e improvizuar është ngjitur miku i Ilir Metës, Bes Kallaku. Kejdi Mehmetaj, sakaq ka shpërndarë një video ku shihet blogeri Olti Curri, teksa bisedon me kryetaren e LSI-së, Monika Kryemadhi.
