Kryeministrja serbe Ana Bernabiç, është befasuar sot nga një gazetar shqiptar. Ndërsa po merrte pjesë në inaugurimin e një pike kufitare në Tabanovc-Preshevë, Bërnabiç ka takuar edhe gazetarin shqiptar nga Maqedonia, Furkan Saliu, i cili kishte të veshur bluzën me figurat më të njohura shqiptare, e në të cilën shkruante “Sapo dolëm nga mali”.
Ky reagim i gazetarit shqiptar ishte një përgjigje ironike ndaj kryeministres serbe e cila pak kohë më parë deklaronte për shqiptarët se “Janë njerëz të ardhur nga mali”.
