Partia Demokratike ka lajmëruar një konferencë “të rëndësishme” për mediat. “Në orën 12.00, Sekretari i Përgjithshëm i PD, Gazment Bardhi, do të ketë një konferencë të rëndësishme shtypi në seli”, njoftoi zyra e shtypit e PD.
Gazment Bardhi denoncoi pak ditë më parë se Agim Kajmaku, kryebashkiaku i Vorës i dalë nga votimet e 30 qershorit, ka qenë i dënuar në Greqi. Ndërsa sot, si thanë burime nga PD, pritet të publikohet dokumenti i dënimit të Kajmakut në Greqi me emrin Jorgo Toto.
Më herët, Bardhi publikoi nga selia blu dokumentet që tregonin se Valdrin Pjetri ishte dënuar me burg dhe gjobë në Itali për trafik droge. Pas kësaj, Pjetri dha dorëheqjen nga marrja e detyrës së kryebashkiakut të Shkodrës. /Boldnews.al/
