Gjykata e Tiranës ka vendosur masat e arrestit për 4 të arrestuarit lidhur me vrasjen e 26-vjeçarit, Indrit Çelaj, i cili u ekzekutua me plumb në kokë.
Ngjarja e rëndë ka ndodhur tre ditë më parë, ku viktima ishte duke punuar në vilën e familjes Kusi, duke instaluar kondicionerët.
Albano dhe Griseldo Kusi, të dy vëllezër që ndodhen në arrati, akuzohen si autorë të vrasjes.
Ndërkohë para gjykatës kanë dalë Bujar Kusi, babai i autorëve të ngjarjes, Ferdinand Bakalli dhe Ali Sula, për të cilët është dhënë masa e sigurisë arrest me burg, ndërkohë që për të arrestuarin tjetër, Luan Caka është vendosur masa e sigurisë “arrest shtëpie”.
Kusi dhe Bakalli akuzohem për “veprime që pengojnë zbardhjen e të vërtetës”, ndërkohë, dy të arrestuarit e tjerë, Luan Caka dhe Ali Sula, për “mos kallëzim krimi” dhe “Veprime që pengojnë zbardhjen e të vërtetës”.
DENONCO