Skandal në Serie A: Napoli favorizohet hapur, Hysaj shkaktoi penallti ndaj Ribery (VIDEO)

Ndeshje spektakolare ishte ajo mes Fiorentinës dhe Napolit, që përfundoi me rezultatin 3-4 për skuadrën e Carlo Ancelotti.

Gjithsesi në Itali kanë shpërthyer polemika të mëdha për gjyqtarin e ndeshjes dhe atë në dhomën e VAR, që kanë bërë një skandal të vërtetë që në ndeshjen e dytë të Serie A.

Në minutën 43’ Napoli shënoi golin e dytë ndaj skuadrës violë, me anë të Insigne. Penalltia u “}tua” nga Dries Mertens, i cili bëri një simulim të pastër në zonë dhe gjyqtari Massa akordoi penallti, një gabim që mund ta bëjë kushdo, por në këtë moment duhet të ndërhynte patjetër gjyqtari Valeri që ndodhej në dhomën e VAR dhe të jepte karton të verdhë për simulim sepse sulmuesi belg hidhet në tokë, pa patur kontakt me mbrojtësin e Fiorentinës.

Kjo gjë nuk ndodh dhe në Itali ka plasur një skandal për të gjithë këtë favorizim që u bë haptazi, që në start të kampionatit. Momenti tjetër është në minutat e fundit.

LEXO EDHE  Champions/ PSG gjunjëzon Realin, Juventus barazim dramatik në Spanjë

Franck Ribery zbret në fushë dhe debuton për skuadrën nga Firence, për të mbrojtur rezultatin Ancelotti hedh në fushë Elseid Hysajn, i cili ka për detyrë të mbulojë në çdo cep francezin.

Në një aksion Ribery arrin të afrohet me vijën e kuqe, që ndan zonën e penalltisë me atë jashtë saj. Hysaj e mban fort për krahu dhe 37-vjeçari bie në tokë dhe me të drejtë kërkon penallti.

Ndeshja është në kohën shtesë dhe kjo penallti përcakton rezultatin, por për gjyqtarin Massa nuk ishte penallti dhe vijon lojën, ashtu mendojnë edhe gjyqtarët në dhomën e VAR, që nuk reagojnë dhe Napoli merr tre pikë të vjedhura në “Artemio Franchi”.