City dhe Tottenham me mision 3-pikësh, për të mos u shkëputur nga kreu

Pas barazimit 2-2 mes njëra-tjetrës, një javë më parë në “Etihad Stadium”, Manchester City dhe Tottenham do të kërkojnë sot të rikthehen te fitorja, për të mos humbur edhe kontaktet me Liverpoolin kryesues, që ka shkuar në kuotën e 9 pikëve.

Skuadra e Pep Guardiolës do të përballet me Bournemouthin në transfertë, në një sfidë të lehtë në letër, por që kërkon angazhim dhe përqendrim, për të shmangur ndonjë surprizë të pakëndshme, që do të komplikonte rrugën e mbrojtjes së titullit që në start.

LEXO EDHE  Kupa e Shqipërisë/ Flamurtaeri ende në krizë, ngec Tirana, fitore me goleadë për ... (Rezultatet e Ndeshjeve)

Nga ana tjetër, Tottenhami do të presë në shtëpi Newcastle-n me synimin e vetëm, marrjen e 3 pikëve, por “qymyrxhinjtë” e kanë nisur kampionatin me dy humbje radhazi dhe sot do të tentojnë të marrin të paktën një pikë në Londër.