Drejtuesi i Departamentit të Mjedisit në PD, Jamarbër Malltezi ka denoncuar sërish aferat korruptive të Bashkisë së Tiranës, të cilat nën ‘hijen’ e propagandës dhe aksionit të punës, kanë rritur shifrat e vjedhjes me një tjetër tender. Bëhet fjalë për rikontruksionin e Bulevardit Zogu I, i cili i është nënshtruar sërish punimeve. Por, nëse i hedhim një sy historikut të ndërhyrjeve që i janë bërë këtij aksi e mbi të gjitha shumat me të cilat është justifikuar punimi i tij, duket qartë se pjesë më të madhe të punimeve në Tiranë bashkia i bën vetëm për të përfituar më shumë para në xhepat e saj. Kështu, sipas denoncimit të Malltezit, e gjitha kjo mund të ishte evituar nëse në Shqipëri do të kishte shtet ligjor e mbi të gjitha nëse shqiptarët do të reagonin ndaj vjedhjes sistematike që i bëhet para syve të tyre.
Statusi i Malltezit
Bulevardi Zog 1 duke u shkep. Para 12 vitesh njeri na vodhi 3 milione euro nga taksat tona dhe na tha qe e kish zgjidh punen dhe vec pas 70 vitesh do rikonstruktohej. Tani del nje qerrata tjeter qe na perlan 6 milion euro per 613 m gjatesi (10 milione euro per km!) se do nderroje pllakat. Keta edhe te vjedhin, edhe te tallin se nuk kane as popull protestues dhe as shtet ligjor ku te vepronte ligji.
