Edhe pse në muajin më të ‘vdekur’ të punës në administratë, shumë prej punonjësve nuk do ta gjejnë më vetën në zyrat e Hipotekës në muajin shtator. Këtë lajme ka bërë me dije vetë kryeministri Edi Rama, i cili përmes një statusi në Facebook ka paraljmëruar se ‘të gjithë ata që nuk i përgjigjen detyrës së tyre në shërbim të qytetarëve, duhet të largohen menjëherë”.
Rama publikon në “Facebook rastin e Jani Dajës, i cili nuk ka mundur të marrë hipotekën e shtëpisë për 15 vite, duke gjetur zgjidhje vetëm pasi i është drejtuar platformës “shqipëriaqëduam.al”.
Lidhur me këtë ngjarje, kreu i qeverisë paralajmëron se kush vazhdon të pengojë qytetarët, do të largohet nga zyra e shtetit.
Statusi i Ramës
“MIRËMËNGJES 😀dhe me rastin e Jani Dajës, i cili duke u drejtuar në Platformën e Bashkëqeverisjes shqiperiaqeduam.al, pas më shumë se 15 vite zvarritjesh mori më në fund hipotekën e shtëpisë dhe u bë shkas që kush e pengonte të largohej nga zyra e shtetit, ju uroj një fundjavë të mbarë”, shkruan Rama.
