Me mijëra emigrantë, pas pushimeve që kaluan në vendlindje, janë duke u kthyer në vendet e tyre të punës, por siç ndodh rëndom, shqiptarët që jetojnë dhe punojnë në Greqi, hasin gjithnjë vështirësi kur ka fluks.
Mbrëmjen e sotme në pikën kufitare të Kakavijës raportohen me qindra automjete në radhë për të kaluar kufirin.
Emigrantët kanë qëndruar për orë të tëra, mbi 3-4 orë në pritje.
Bllokimi i tyre në kufi ka ardhur për shkak se pala greke punon vetëm me dy sportele, ndërsa pala shqiptare me 5 sportele.
Kjo dukuri ka ndodhur edhe herë të tjera, kur emigrantët kthehen pas pushimeve.
