Deputetët e Kuvendit të Kosovës kanë votuar pro shpërndarjes së Parlamentit, duke i hapur kështu rrugë zgjedhjeve të jashtëzakonshme.
Pro shpërndarje kanë votuar 89 deputetë, abstenim dy dhe vetëm 1 deputet ka votuar kundër. Në sallë ishin 105 deputetë të pranishëm.
Seanca e jashtëzakonshme u caktua pas dorëheqjes së Ramush Haradinaj nga posti i kryeministrit.
I njëjti njoftoi për dorëheqjen e tij pas ftesës që mori për në Hagë në cilësinë e të dyshuarit.
Në seancën e sotme mungonin deputetët e Listës Serbe.
