Ish-ministri i Drejtësisë, Ylli Manjani, përmes një postimi në rrjet duket se ka ironizuar heshtjen e Ambasadës amerikane, lidhur me zyrtarët apo të zgjedhurit që fallsifikojnë emrin e tyre për të rrëmbyer pushtetin.
Reagimi i Manjanit vjen pas lajmit të një dite më parë se një qytetar u arrestua nga policia, sapo doli nga ambasada e SHBA, pasi kishte fallsifikuar diplomën e shkollës së mesme.
“Fallsifikoi diplomën, për një vizë dhe e arrestuan me kërkesën e Ambasadës Amerikane.
Shumë mirë!
Po këta që fallsifikojnë emrin e tyre për të rrëmbyer pushtet?! As ne nuk i arrestojmë, por as Ambasada nuk thotë asnjë fjalë…”, shkruan Manjani.
