Kryebashkiaku i Vorës, Agim Kajmaku, ka reaguar lidhur me kërkesën që PD i drejtoi Prokurorisë së Përgjithshme, për t’a verifikuar atë, pasi rezulton se është ndaluar dhe dëbuar nga Greqia.
Ashtu si edhe Valdrin Pjetri që mohoi fillimisht akuzat e PD-së, edhe Kryebashkiaku i Vorës, në reagimin e tij hedh poshtë pretendimet e demokratëve.
Madje, Kajmaku shprehet se autorët dhe akuzuesit publikë që shpifin ndaj personit tim, për një qellim të vetëm, atë të ndotjes politike të kundërshtarit, do të vihen përballe drejtësisë dhe detyrimit të gjetjes së provave të pretenduara.
“Sapo jam njohur me një tekst letre të publikuar nga PD ku pretendohet se unë jam dënuar dhe dëbuar nga shteti grek.
Me përgjegjësi ligjore dhe bindje morale deklaroj se nuk jam dënuar dhe as jam dëbuar asnjëherë nga ndonjë shtet i BE, as nga Greqia.
Ndërkohë që për vite të tëra kam qenë udhëtues i shpeshtë dhe korrekt në shume vende të BE, për llogari të biznesit tim familjar.
Autorët dhe akuzuesit publikë që shpifin ndaj personit tim, për një qellim të vetëm, atë të ndotjes politike të kundërshtarit, do të vihen përballe drejtësisë dhe detyrimit të gjetjes së provave të pretenduara.
Por ju drejtohem se të paqenën nuk mund ta pretendosh si të ndodhur”, thotë Kajmaku në reagimin e tij.
Një tjetër kryebashkiak i Ramës i dënuar, kërkesa i çohet Arta Markut/ Emri