Arben Malaj, ish-ministër i Financave në qeveritë socialiste, përmes një postimi në rrjet këshillon Kryeministrin Edi Rama që të luftojë informalitetin, të mbledhë taksat, por jo t’i shkulë edhe lëkurën qytetarëve.
“Ka edhe thënie makabre për taksat si ajo e Mark Twin se midis një balsamuesi dhe një taksambledhësi ka një dallim të madh, taksambledhësi ta merr edhe lëkurën.
Këshilla për mbledhjen taksave përmblidhet në atë si ti marrësh sa më shumë pendë/ të ardhura nga rrjepja e një pate, pa ja shkulur lëkurën. Kjo sepse herën tjetër do të gjejnë më pak pendë/më pak të ardhura…”, shkruan Malaj.
Postimi nga Arben Malaj
“Taksat janë ato që paguajmë për shoqërinë e qytetëruar”, ky vizion gjendet i shkruar në hyrje të ndërtesës së Shërbimeve të Ardhurave të Brendshme (IRS) të SHBA. Ndërsa Rama dhe pas dështimit të parë, për herë të dytë vuri në thelb të fushatës kundër informalitetit, penalitetet duke theksuar se “Dy gjera janë të sigurta në jetë, taksat dhe vdekja”.
Ka edhe thënie makabre për taksat si ajo e Mark Twin se midis një balsamuesi dhe një taksambledhësi ka një dallim të madh, taksambledhësi ta merr edhe lëkurën.
Këshilla për mbledhjen taksave përmblidhet në atë si ti marrësh sa më shumë pendë/ të ardhura nga rrjepja e një pate, pa ja shkulur lëkurën. Kjo sepse herën tjetër do të gjejnë më pak pendë/më pak të ardhura…
Janë tre parakushte për suksesin e strategjive kundër informalitetit.
E para – përmirësimi i qeverisjes sepse kjo çon përfitime direkt e të prekshme tek taksapaguesit, kjo rrit vullnetshmërinë për pagimin e taksave.
Së dyti – kredibiliteti institucional dhe se treti – morali i taksave.
Tek morali i taksave analizohet përse njerëzit i paguajnë taksat, jo pse i shmangen. Kur ata ndjejnë përfitime reale në jetën e përditshme dhe kur institucionet publike kanë kredibilitet të lartë publik, taksat përfaqësojnë pagesat tona për të jetuar në shoqëritë e civilizuara.
Ndërsa stabiliteti i ulët politik, cilësia e ulët e institucioneve rregullatorë dhe niveli i përhapur i korrupsionit u ushqejnë informalitetin. ….
Titulli shkrimit nga autori : Përse penalitetet nuk e luftojnë dot informalitetin?