Gazetari Andi Bejtja ka reaguar ashpër lidhur me transmetimet nga televizionet të aksionit për shembjen e lokalit të Mihal Kokëdhimës.
Pothuajse i gjithë aksioni i IKMT u transmetua direkt nga shumë prej televizioneve informative, gjë që konsiderohet si aspak normale nga gazetari bejtja.
“Terror televiziv! U mbushën dy orë që televizionet më të mëdha informative në vend japin live pa ndërprerje prishjen e lokalit “Panorma” të të famshmit tashmë Mihalit….
Në emër të kujt standarteve mediatike mund ta mbash kamerën deri tani dy orë te shembja e një lokali, të prishësh gjithë programmet e tjera, për të zënë ekranin me orë të tëra me një matrapik që shemb një mur.., Fshat mediatik.,.,Fshat i madh mediatik…. Këto tv sot janë vetë Mihali që kanë mbi dy orë që i janë hedhur publikut Shqiptar mbi kurriz”, shkruan Bejtja.
