Gjykata e Krimeve të Rënda ka nisur gjykimin ndaj Apostol Kosta, i cili dy vite më parë ekzekutoi me armë çiftin Aleko dhe Afërdita Kosta në Gjirokastër.
Në 2017, Apostol Kosta pas vrasjes së çiftit, tentoi të vrasë veten, por mbeti i plagosur dhe u dërgua me urgjencë në spital.
Ngjarja
Ngjarja e rëndë ka ndodhur mëngjesin e së hënës, 26 tetor 2017, në vendin e quajtur “Sokaku i të Marrëve”, në lagjen Palorto.
Aleko Kosta kishte hyrë në oborrin e banesës së çiftit Afërdita dhe Aleko Kosta me një granatë dhe një armë në dorë. Pasi ka hedhur në fillim granatën, e cila për fat nuk shpërthyer, Apostoli është futur brenda, ku ka hapur zjarr ndaj gruas së kushëririt të tij.
Në fillim Apostoli ka vrarë Afërditën, që ndodhej në aneksin e kuzhinës në katin e parë.
Pasi qëlloi mbi të, autori është ngjitur për në katin e dytë, ku është përballur me kushëririn e tij, ndaj të cilit ka shkrehur armën.
Në banesë ndodhej edhe djali 18-vjeçar nga martesa e parë e Afërdita Kostës, i cili është ngritur i alarmuar nga zhurmat dhe është fshehur.
Vetëm pak minuta më vonë ai ka dalë për të parë se çfarë kishte ndodhur, ndërsa është përballur me një skena makrabre, ku ka parë të larë në gjak njerkun dhe nënën e tij.
Në kushtet e tronditjes së rëndë, autori i dyshuar, Kosta, ka shkuar në shtëpi dhe me armën e krimit ka qëlluar me plumb në gojë veten, por vetëm është plagosur.