Bullizmi është një nga fenomenet më negative në shoqëri. Personat që bien pre e këtij fenomeni për një kohë të gjatë kalojnë trauma të rënda në jetë, që mund t’i çojnë nga depresioni e deri drejt vetëflijimit. Ndonëse janë ndërmarrë nisma sensibilizuese për parandalimin e këtij fenonemi, bullizmi vijon të manifestohet gjerësisht, sidomos në ambientet shkollore.
Së fundmi, një video e publikuar “JOQ Albania” tregon disa adoleshentë që dhunojnë në mënyrë shtazarake një bashkëmoshatarin e tyre për motive të paqarta.
Siç shihet dhe në video, djemtë e detyrojnë viktimën të thotë fjalë të turpshme, ndërsa përdorin një djalë të mitur për ta goditur e për t’i hequr mbathjet.
Këto pamje tronditëse dëshmojnë qartë se në ç’nivele ka degraduar rinia e sotme në Shqipëri. Nuk dihet se në cilin qytet janë filmuar këto pamje të rënda, por ajo që vlen të theksohet është se si këto pamje shqetësuese për shoqërinë shpërndahen gjerësisht në rrjetet sociale.