Kriza politike/ Deklarata e fortë nga LSI: Rama dhe Basha…

Ish-deputeti i LSI, Shezai Rrokaj, shprehet se kreu demokrat Lulzim Basha dhe ai socialist, Edi Rama duhet të ulen në një tryezë. Në studion e Ora News, Rrokaj tha se i vetmi kusht që duhet të ketë është pariteti në tryezë, pra që të kemi një barazi mes palëve në komunikim.

Rrokaj tha se pavarësisht sinjaleve nga BE, OSBE dhe SHBA, ka një vonesë të ndërkombëtarëve në ndërhyrjen për zgjidhjen e krizës në Shqipëri.

“Besoj se në vjeshtë do të kemi një zgjidhje të krizës, pasi shqiptarët meritojnë që partitë të lënë mënjanë interesat e tyre dhe të garantojnë rrugën europiane të Shqipërisë”, tha Rrokaj.

LEXO EDHE  Ja si ka shkuar trendi i lëkundjeve dhe sa është numri i tyre

Sipas tij, zgjedhjet në 2017 janë manipuluar dhe në kushte të tilla, PS duhet të ritestojë veten në një proces të rregullt dhe të lirë. “Mazhoranca është deligjitimuar pasi bleu votat në 2017, sikundër e provojnë dosjet 339 dhe 184. Pastaj shkoi ‘bleu’ opozitën e re në Kuvend, pasi dorëzuam mandatet ne si deputetë të opozitës. Ne duam një lloj opozitarizmi që shmang dhunën, pasi nëse do të kishe përshkallëzim të aksionit opozitar, sot do të ishim në kushte të tjera”, tha Rrokaj.

Sipas tij, opozitës i takon të ofrojë alternativën e dialogut me mazhorancën.