Një 26-vjeçar shqiptar u arrestua në Portin e Thassos në Greqi, pasi gjatë kontrollit në automjet iu gjet 1.1 kg kokainë e pastër.
Shqiptari tentoi që t’i shmangej kontrollit të Autoritetit Portual, por nuk ia arriti qëllimit.
Ai ndodhej në makinë bashkë me një shokun e tij 29-vjeçar. Në momentin kur u pikas nga autoritetet e portit, i riu shqiptar rriti shpejtësinë e makinës duke goditur një tjetër mjet në port, por më pas u ndalua nga policia.
Kjo e fundit zhvilloi kontrolle në tre shtëpi në Kavala të përdorura nga dy shqiptarët. Aty u gjetën tre pako me kokainë, në sasi më të vogla.
I arrestuari iu dorëzua autoriteteve të drejtësisë për veprime të mëtejshme.
