Nga Boldnews.al
Për të marrë Shkodrën, kryeministri Edi Rama vetëm një shans pati në dorë. Të rrëmbente bashkinë pa zgjedhje, në votime njëpartiake, si ato të 30 qershorit. Edhe këtë rast të artë nuk e shfrytëzoi, pasi nga rreth 205 mijë banorë që ka kjo bashki, ai përzgjodhi si me “qiri” Valdrin Pjetrin për kryetar bashkie, që këtu e 17 vite më parë u përfshi në mbajtje dhe trafikim të lëndëve narkotike.
Lajmi i “kobshën” se Valdrini, ai “djali i mirë dhe me edukatë” sikurse e konsideron ende Edi Rama, kishte mashtruar në plotësimin e formularit të vetëdeklarimit, ku mohonte se ishte proceduar, apo dënuar në ndonjë shtet të huaj, shembi çdo festë me aheng Rilindje. Dorëheqja e tij ishte e pashmangshme, pa arritur që më datë 19 gusht të bëhej dhëndërr i “nuses Shkodër”. Megjithatë patia dhe drejtuasit në Komitetin Qëndror” në Tiranë e kishin ndarë mendjen që të bënin ritualin.
Në fillim shkuan “dasmorët big” të Këshillit Bashkiak, që formalisht bënë betimin dhe zgjodhën me paracaktim dhe me urdhër nga lart kryetaren Brisiela Kadija. Shkodra nuk u mor as me dredhinë e 30 qershorit, por tashmë kjo “nuse” do të rrëmbehet prej socilistëve. Ashtu me dhunë, pa i vendosur dhëndrin në krahë, pasi ai doli një djalë me të shkuar të errët.
Shkodër e duan me çdo kusht, do e marrin me forcë, me “rrëmbim natën”, për ta mbyllur më pas në atë kështjellë ku dasmorët e Rilindjes të etur e të paepur ndonjëherë do shfryjnë dufin. Ka 28 vjet që i vijnë vërdall dhe kurrë nuk e bindën me votë, as me dhunë, as me të fortë. Durimi i socialistëve ka kapur kulmin dhe janë gati të përdorin çdo metodë antiligjore vetëm për një qëllim të qartë: “Babloku i madh”, e kërkon ta vendosë nën hyqmin e tij atë bashki.
Duke përdorur çdo marifet, ata synojnë që të futen në një proces rizgjedhjesh, sigurisht pa kundërshtarë që Shkodra të bjerë në duart e tyre. Kjo zonë e shquar si “djepi i kulturës” dhe një nga trevat që i bëri ballë regjimit komunist dhe vuajti pasojat e rënda, vijon të mbahet, por e lodhur, ndoshta edhe e tradhtuar nga shumë syresh politikanë.
Dasma e Rilindjes do të jetë e madhe kur mund të vendosin me format e tyre të njohura që ta rrëmbejnë me forcë, për ta mbajtur “nusen” si skllave në duart e Sulltanit. Nuk do jetë çudi që pas këtij rrëmbimi të ofrohen perla e veshje të mëndafshta për “konkubinën e rrëmbyer”. Babloku i madh mund të hedhë investime të mëdha dhe një e dy të përqëndrohet në Shkodër, duke u treguar: “ne ua rrëbyem vajzën tuaj”, e dhunuam, përrcudnuam, por po e mbajmë në pëllëmbë të dorës me të mira materiale, edhe pse me shpirt të vrarë.
Po dinjitetin, nderin, traditën a mund tia kthejë pas Shkodrës? Kjo dilemë e madhe mundon çdo qytetar në këtë trevë të njohur të Shqiptarisë. Vjen një kohë që komunistët e rinj rikthehen për ta mposhtur sërish, jo më me dënime në burg, me internim dëbime, por me kërcënim, më banda të fortosh, me dhunë pushteti.
