Ish-kryeministri Sali Berisha ka publikuar pamjet e ndalimit të kreut të FRPD-së në Shkodër Arvid Bushati.
Bashkë me videon publikuar, Berisha shkruan se veprimet e policisë kanë motive politike.
“Ky eshte momenti kur kriminele dhe narkopolice bandite arrestojne me motive te mirefillta politike kryetarin e FRPD Shkoder, Arvid Bushati dhe debatojne si horra me ishdeputetin Bardh Spahia!Rama ik! Fitore! sb”, shkruan Berisha në komentin që shoqëron pamjet.
Këtë të hënë në Shkodër, u zhvillua një protestë e thirrur nga PD për të kundërshtuar konstituimin e këshillit të ri bashkiak të Shkodrës. Mbledhja e konstituimit e zhvilluar në ambientet e Bibliotekës së qytetit, u cilësua si antiligjore nga opozita.
