Policia greke ka arrestuar një shqiptar, pasi më parë kishte kryer një grabitje në Athinë.
Në mediat greke janë publikuar pamjet nga grabitja e dyqanit. Në video shfaqet autori, për të cilin thuhet se është shqiptar, i armatosur me pistoletë, kapuç në kokë dhe me doreza.
Grabitësi ka hyrë i qetë në lokal dhe nën kërcënimin e armës i kërkon punonjëses t’i japë të gjitha paratë.
“Më duhen para për të mbajtur familjen”, mësohet t’i ketë thënë grabitësi shitëses.