Nga Boldnews.al
Pamjet e Mihal Kokëdhimës, pronarit të lokalit “Panorma” në Himarë, ndërsa kacavirret për disa minuta si “njëriu merimangë” dhe sulmonte sa të mundej në kofanon e makinës ku ndodheshin pesë turistë spanjollë, po bëjnë xhiron e botës.
Ai u arrestua, një ditë më pas, Ministri i Turizmit Blendi Klosi me një tufë lulesh në duar u kërkoi ndjesë vizitorëve të huaj për këtë incident. Ai tha se një njeri i vetëm nuk mund të personifikonte gjithë shqipërinë mikpritëse. Turistët ikën të tramatizuar, por edhe të çliruar se ky incident i tyre kishte shqetësuar deri kryeministrin e një vendi të vogël, që i do shumë turistët, por mbi të gjithë “pronarët e lokaleve”, sidomos Mihalin, por këtë herë ai e teproi…
“Bablokut të madh” i prishi imazhin dhe po i prishe imazhin Ramës, nuk pyet as për vëllanë e tij, jo më për mikun e tij aktual dhe kushëririn e ish-mikut të dashur. Një objekt i ngritur si kala në vitin 2014, atëkohë kur kushëriri i tij Koço mori rilin e “pashait” të jugut dhe miku Rama nuk ishte vetëm “kryevezir” por Sulltan.
Mihalin sot e kanë vënë të gjithë pas murit dhe hedhin “gurë dënimi”, mëkatarë dhe jo të tillë, por pak bëjnë pyetjen: Kush e trimëron kaq shumë atë, sa të sillet si cub, dhunues, arrogant, ndërsa duhet të ishte mikpritës, dashamirës dhe një pronar lokali i përkushtuar ndaj klientëve?
Gjithë sebepi i një sherri që u mbyll me lëndime trupore të vetë Mihalit dhe bashkëshortes së turistit spanjoll u bë një peshk, po po një peshk, por ai ishte ndryshe nga “peshqit” e tjerë. Turistët u larguan për shkak se peshku i pjekur po vonohej, por sapo ka vënë re që klientët i ikën, Mihalit i erdhi “keq” për atë “krijesë të partisë” dhe ndodhi ajo që të gjithë e kanë parë, dhunë dhe kacavjerrje ballë makinës si nëpër filma.
Ai ishte peshk Rilindas… Ndaj u trimërua Mihali, ndaj u sakrifikua, kush ikën pa paguar e shijuar atë? Sot Rama mund të ketë dhënë urdhër në gjykatë që Mihali, miku i tij të bëjë ca ditë burg, të paktën sa të mbyllet sezoni turistik, pastaj me shpresë, nga shtatori… Ky kryeministër nuk u kujtua kur Mihali ngriti një derr lokali mu në buzën e detit, që e mbushi me gurë dhe beton, për të sjell një shpifësirë object që i zë valën detit. Aty në atë lokal ka ngrënë dreka e darka Rama, është miqësruar edhe me pronar zevzekun.
Pushteti i ka qejf tipat si Kokëdhima. Ata që zaptojnë detin, që tregojnë arrogancë, pasi gjithnjë kur ka zgjedhje kthehen në makineri votash në favor të Rilindjes së kryeministrit Edi Rama. Dhe Mihali, si i padituar prej mungesës së kulturës dhe edukatës, merr hov. Edhe raste të tjera janë denocuar nga turistët kryesisht shqiptarë që provuan grushtat e Mihalit, por ai nuk prekej nga policia. E ky pronar që zë detin dhe qeveria bëhet kliente e monstrës së tij, prej guri dhe betoni nuk njeh tjetër “fe” e pushtet përveç Rilindjes.
Kjo forcë e bëri me para, që edhe peshkun e rezervatit safi “Rilindas”, ta shiste për “peshk deti të egër”, madje ta hash me detyrim, pasi propaganda qeveritare kështu ta kërkon. Ti ikësh mikut të kryeministrit nga lokali se përse u vonua “peshku Rilindas”, ky është krim për Mihalin dhe Mihalët e tjerë, të ngritur krye nën frymën e pushtetit. Por kësaj radhe e prishi punën. I bëri pis kryeministrit imazhin, pa qëllim, por ja që ndodhi, ai damari Rilindas të tradhton nervat edhe kur nuk duhet.
Por dje nga masa e arrestit me burg nuk e shpëtoi as arsyetimi i Mihal Kokëdhimës se i duhej të punonte për të siguruar arsimimin e dy fëmijëve në Gjermani dhe as deklarata kur thotë në një bashkëbisedim me avokatin e tij se “e ka mik Kryeministrin Edi Rama”. Avokati sqaroi pas përfundimit të seancës kontekstin e kësaj deklarate të klientit të tij. “Tha që e ka Ramën mik pasi kryeministri do i ketë kërkuar votën dhe këta ia kanë dhënë. Siç ia jep 90 % e jugut”.
Mihali është mërzitur ca, por këtë herë le tia bëjë “hallall” Rilindjes këto ditë burgu, fundja partia e bëri me forma të pista me lokal mu në buzën e detit të pastër. Kryeministri nuk duhet të mërzitet më, çudia më e madhe tre ditë zgjat në këtë vend, edhe ajo e dhunimit të turistëve të huaj do harrohet, fundja ka sa të duash “peshq Rilindas”.
