Një trup i pajetë është gjendur pranë lumit Devoll, në Gramsh. Nga raportimet mësohet se trupi i pajetë është gjendur në afërsi të vendit të quajtur Çekrez.
Trupi i pajetë mësohet se i përket shtetasit Besnik Tabaku, i moshës 53 vjeç. Policia bëri të ditur se në trupin e viktimës nuk ka shenja dhune.
Mësohet se Tabaku ishte larguar nga banesa pasditen e djeshme.
Një ditë më parë, rreth 4 milje nga bregdeti i Durrësit, një peshkarexhë gjeti trupin e dekompozuar të një mashkulli, për të cilin fillimisht u tha se ishte i lidhur me natriban dhe i mbështjellë me qese, por policia në njoftimin zyrtar, sqaroi se në trupin e gjetur nuk kishte shenja dhune, duke rrëzuar pistën e vrasjes.
