Gjendet një granatë në parkun arkeologjik të Apolonisë në qytetin e Fierit. Granata e dorës e gjetur ditën e sotme, pritet të demontohet nga forcat xheniere.
Granata është gjetur gjatë gërmimeve në parkun arkeologjik, të cilat po kryhen nga ekspeditë franceze.
I gjithë territori është rrethuar me perimeter sigurie dhe pranë vendit ku është gjetur granata ndodhen edhe forcat policore. Dyshohet se granata i përket kohës së luftës së parë botërore.
