Vitet e fundit presidentët e klubeve kanë shpenzuar shifra marramendëse për të afruar në ekipet e tyre lojtarët më të mirë në botë.
Sipas një klasifikim të publikuar së fundmi nga portari i specializuar “transfermarkt”, kampionët e Premier League Mançester Siti është ekipi më i shtrenjtë në botë me një vlerë prej 1.27 miliard eurosh. Financat e Mansur Bin Zajed janë të rëndësishme, por vlera e “qytetarëve” sigurisht që është rritur edhe falë punës së Guardiolës me lojtarët dhe ekipin në përgjithësi. Rasti ideal do ishte ai i Kevin De Brujn. Belgu u ble në 2015 prej Volfsburgut për 76 milionë euro, ndërsa sot vlen rreth 130, pothuajse dyfish.
Vendin e dytë e mban Barcelonë, me një diferencë fare të vogël. Skuadra e katalanasve vlen 1.26 miliardë euro, ndërsa në poshtë, Reali i Madridit, me një vlerë prej 1.18 miliardë eurosh.
Vendi i katërt dhe i pestë i përket dy finalisteve në Champions-in e sezonit që lamë pas. Liverpuli dhe Totenhemi, vlejnë përkatësisht 1.07 miliard euro, dhe “Spërsta” plot 984.5 milionë euro.
984 milionë euro, është gjithashtu edhe vlera e PSG, ndërsa për të parë ekipin e parë italian, duhet të shkojmë në vendin e shtatë, ku vlera e skuadrës së Juventusit përllogaritet në 869 milionë euro. Më poshtë, ndjekin Çelsi, Atletiko e Madridit dhe Bajerni i Mynihut.
Interesant është fakti se ekipi tjetër italian që vjen pas Juves, është Napoli, në vendin e 14-të, me një vlerë lojtarësh prej 620 milionë euro, duke lënë pas kështu Interin në vendin e 15-të, me 600.9 milionë euro, si dhe Milanin në vendin e 18-të, me 507.5 milionë.
