Policia e Shtetit ka reaguar lidhur me trupin e pajetë të gjetur nga një peshkarexhë, rreth 4 milje larg Durrësit.
Sipas njoftimit zyrtar të policisë, nga ekspertiza e jashtme, trupi nuk ka qenë i lidhur apo i mbështjellë.
Gjithashtu policia thekson se nga kqyrja nuk janë evidentuar shenja dhune apo dëmtime të ndonjë natyre tjetër.
“Trupi ishte i veshur me rroba, i janë evidentuar gjithë gjymtyrët, por është dekompozuar për shkak të lagështisë”, thuhet në njoftimin e policisë.
Më parë u raportua se trupi i pajetë ishte i mbështjellë me qese dhe i lidhur me natriban, duke ngritur dyshimet për një vrasje dhe më pas trupi i pajetë ishte hedur në det.
Por disa orë pas lajmit të gjetjes së trupit të pajetë nga marinarët e anijes së peshkimit, policia ka dhënë versionin zyrtar.
Njoftimi i policisë
Më datë 18.08.2019, në orët e para të mëngjesit, një peshkarexhë që kishte dalë për gjueti, rreth 4 milje larg Durrësit duke ngritur rrjetat dhe ka konstatuar në rrjeta një trup të pajetë të seksit mashkull.
Kufoma është transportuar në morgun e spitalit për ekspertizë mjeko-ligjore.
Nga ekspertiza e jashtme, trupi nuk ka qenë i lidhur apo i mbështjellë.
Nga kqyrja nuk janë evidentuar shenja dhune apo dëmtime të ndonjë natyre tjetër.
Trupi ishte i veshur me rroba, i janë evidentuar gjithë gjymtyrët, por është dekompozuar për shkak të lagështisë.
Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes.
DENONCO