Qeverisemi nga të pashpirt dhe kasetat e tyre parafabrikate/ Ish-deputeti i PS akuza Veliajt

Arben Malaj, ish-ministër dhe ish-deputet i PS-së, ka reaguar ashpër ndaj Kryebashkiakut Erjon veliaj lidhur me ngjarjen e rëndë të ndodhur në Tiranës, ku si pasojë e shembjes së skelave, humbën jetën dy punëtorë dhe 3 të tjerë u plagosën.

Punëtorët po punonin në projektin e Bashkisë lidhur me rikonstruksionin e fasadave në pallatin ku jeton zv.kryeministri Erjon Braçe, por edhe ish-deputeti Arben Malaj.

“Qeverisemi nga të pashpirtë dhe kasetat e tyre parafabrikate që shpërndajne në televizione.

Ky lajm i drejtpëdrejtë i Veliajt u dha edhe ditën kur u vranë dy punonjës dhe u plagosën tre kolegë të tyre.

E para bashkia si investitore në vendin e krimit duhet të bënte një ndjesë të sinqertë publike.

E dyta duhet të asistohen edhe financiarisht familjet e dy viktimave dhe tre të plagosurve.

E treta duhen asistuar nga afër tre të plagosurit dhe familjet e tyre”, shkruan Malaj.

Postimi nga Arben Malaj

Qeverisemi nga të pashpirtë dhe kasetat e tyre parafabrikate që shpërndajne në televizione.

Ky lajm i drejtpëdrejtë i Veliajt u dha edhe ditën kur u vranë dy punonjës dhe u plagosën tre kolegë të tyre.

E para bashkia si investitore në vendin e krimit duhet të bënte një ndjesë të sinqertë publike.

LEXO EDHE  Denoncimi/ Inxhinierët e pyjeve po zëvendësohen nga hajdutë, trafikantë dhe të kërkuar për vrasje

E dyta duhet të asistohen edhe financiarisht familjet e dy viktimave dhe tre të plagosurve.

E treta duhen asistuar nga afër tre të plagosurit dhe familjet e tyre.

E katërta po atë ditë bashkia duhet të ndalonte për verifikim të thelluar çdo kompani që punon në fasada.

Kjo për të verifikuar imtësisht çdo certifikim teknik të kompanise dhe cdo punonjësi si dhe verifikimet e sigurimit të jetës për çdo punonjës.

Vdekja dhe plagosja janë fatkeqësi individuale, por edhe familjare që u rëndojnë gjatë familjarëve të tyre.

E fundit, por jo më pak e rëndësishme për të ndarë përgjegjësine morale nga ajo ligjore, bashkia duhet ta qartesojë dhe prokuroria e shtetit duhet ta hetojë pa frikë, kush eshte kompania nën kontraktore?

Ligji kërkon që çdo nënkontraktor miratohet nga investitori, nga bashkia.

Eshte kjo një shpk që fiton tendera nepër bashki dhe pastaj gjen rrugës punetorë të pa kualifikuar, që të paguajë sa me pak punëtorët dhe të fitojë as me shumë pronari, qofshin keto edhe fitime kriminale??

Kjo çështje e ligjit vazhdon dhe vret përditë shqiptarë të pafajshëm.