Një emigrante shqiptare është mbytur në plazhin e Metapontos në provincën e Matteras.
Mësohet se viktima është Fatjona Kalimi, 26 vjeçe, e nënë e 2 fëmijëve. Ajo humbi jetën ndërsa po lahej në detin Jon së bashku me vajzën e saj 6 vjeçe, jeta e së cilës ishte në rrezik.
Plazhistët kanë parë nënën shqiptare në vështirësi në ujë dhe roja bregdetare i ka shkuar menjëherë në ndihmë, së bashku me një nënoficer policie, i cili ndodhej aty me pushime.
Por përpjekjet për t’a kthyer në jetë, megjithë ndihmën e ekipeve mjekësore, kanë rezultuar të pasuksesshme.
Mendohet se një problem shëndetësor i ka shkaktuar përhumbjen dhe më pas mbytjen 26-vjeçares shqiptare.
