Sfida ndërmjet Sivassporit dhe Besiktasit në Superligën turke të futbollit dhuroi një ngjarje mjaft të rëndë. Portieri i vendasve të Sivassporit, Mamadou Samassa, luftoi për jetën, pasi humbi ndjenjat dy herë brenda pak minutave.
Minuta e 45’+2′ e ndeshjes mund të ishte fatale për të, pasi përplasja me futbollistin kundërshtar Tyler Boyd e la në vend. Gardiani doli për të grushtuar topin, por u shemb përdhe nga goditja që mori. Stafi mjekësor ndërhyri menjëherë dhe shmangu rrezikun.
Portieri doli me këmbët e veta jashtëfushës dhe u mendua se situata u stabilizua, por kur po i drejtohej dhomave të zhveshjes ra sërish pa ndjenja dhe u desh sërish ndërhyrja e stafit mjekësor për të shmangur më të keqen. Portieri u transportua në spital dhe momentalisht ndodhet jashtë rrezikut për jetën.
https://twitter.com/golkrampon/status/1162810509382565888?ref_src=twsrc%5Etfw%7Ctwcamp%5Etweetembed&ref_url=https%3A%2F%2Ftelesport.al%2Fvideo-perplasja-e-frikshme-portieri-i-ekipit-turk-humb-ndjenjat-dy-here-brenda-pak-minutave%3Ffbclid%3DIwAR2edymexcTWfx5OgxY-hJDeZ6rdah-gdi01ybXf4UPe8hLpFa-vRCyRVkk
https://twitter.com/golkrampon/status/1162812500905271296?ref_src=twsrc%5Etfw%7Ctwcamp%5Etweetembed&ref_url=https%3A%2F%2Ftelesport.al%2Fvideo-perplasja-e-frikshme-portieri-i-ekipit-turk-humb-ndjenjat-dy-here-brenda-pak-minutave%3Ffbclid%3DIwAR2edymexcTWfx5OgxY-hJDeZ6rdah-gdi01ybXf4UPe8hLpFa-vRCyRVkk
