Katër vdekje mbi shpinën e Lali Erit dhe prokuroria që mbyll dosjet…

Nga Boldnews.al

Ky është viti i “mbjelljes” së vdekjeve nga kryetari i Bashkisë Tiranë Erion Veliaj. Tragjedia e vdekjes së dy të rinjve që ranë nga skelat e pallatit ku banon edhe nënkryeministri, Erioni tjetër, nuk ishte vetëm një aksident i rutinë sikurse po e konsiderojnë, por shumë më shumë se kaq.

Qëkur “Lal Mëshirëmadhi” ka marrë drejtimin e bashkisë, të paktën katër vdekje të aksidenteve në punë i kanë ndodhur.
Pas çdo jete të humbur fshihet një aferë, që duhet të mbyllej me vendosje prangash dhe jo me mbyllje të çështjes nga prokuroria. Lali Eri ia ka marrë dorën këtyre rasteve.

Dy vjet më parë, në Landfillin e Sharrës mbylli sytë përgjithnjë Ardit Gjoklaj, një djalosh 17-vjeçar që punonte pa siguracione, në kushte çnjerëzore dhe me një pagë të ulët.

Landfilli ishte nën administrimin e Bashkisë Tiranë, e cila kishte lidhur kontratë shfrytëzimi me një kompani private, që si “rastësisht” doli që pronari i saj hiqej si “Pronar i Rilindjes” në Peqin.

Bashkia kishte për detyrë të kontrollonte kompaninë për kushtet e punës, sigurinë teknike dhe detyrimet për siguracionet. Që të gjitha u shkelën, por Lal Eri e “copëtoi” sërish Arditin, kur rrinte kokë më kokë me kreprokurorin e Tiranës, Petrit Fusha, me gjasë duke marrë premtimin: “dosja do mbyllej ende pa u hapur”.

Dhe për çudi, po kaq “rastësisht” firma Fusha, kushërinjtë e ish-kryeprokurorit të Tiranës, marrin tendera të majme nga bashkia, përfshi rikonstruksionin e Sheshit Skënderbej. Po Lali që bën fushatë mbill pemë e fut nën dhe’ punëtorët fatkeqë, do të vijonte sërish. Ai stadium me kullë që sot ka marrë formë është larë nën betonin e saj me gjakun e një punëtori 40-vjeçar.

LEXO EDHE  VIDEO/ Mjaftoi vetëm pak shi që Lali Erit t'i plasnin ujërat e zeza

Teksa punonte bie nga lartësia Naim Idrizi, ngjarje e ndodhur më 31 mars të këtij viti, fatkeqësisht humb jetën dhe lajmi u mbajt i fshehtë nga policia për disa orë dhe reagoi vetëm pas denoncimit nga ish-kryeministri Sali Berisha.

Edhe më tragjike është aksidentimi i gjashtë punëtorëvë, dy prej të cilëve humbën jetën. Ergys Brahimaj dhe Orjan Kodra, 31 dhe 36 vjeç u kthyen të vdekur në shtëpi, ku mbetën viktimë e një ngjarje të paralajmëruar.

Po kryenin punime në fasadat e pallateve të financuara 50 % nga Bashkia Tiranë pa kushte të sigurisë teknike, pa kontroll e mbi të gjtha pa asnjë mbikëqyrje. Lali mezi priste të rukonstruktohej në fasadë ky pallat, pasi një goxha kronikë televizive do bënte. Ky është i vetmi siklet për Lalin e bashkisë, që nuk do reklamojë më atë pallat.

Sa për frikën ndaj ligjit lali as që e llogarit. Dosja është në Prokurorinë e Tiranës, disa arrestime janë bërë nga policia, si administratori i kompanisë që kryen pynimet dhe administratori i kompanisë që vendoste skelat, çuditërisht asnjë zyrtar i bashkisë së lalit nuk është marrë në pyetje.

Bashkia është fajtorja më e madhe. Së pari ajo është 50 % financuese e projektit dhe gjithashtu ka dhënë lejen e ndërtimit. Pse nuk kontrolloi bashkia kushtet teknike, ku ajo vetë ishte financuese e gjysmës së projektit? Përgjigje që familjarët e atyre të vdekurve nuk do e marrin kurrë.

Vërtetë ka ikur Fusha, por Marku nuk do e lerë në baltë “Bablokun e madh” dhe kanakarët e tij. Fati është i paracaktuar, Lali Eri do dalë i pastër edhe pse është i zhytur jo më në llumin e aferave, por edhe në gjakun e punëtorëve.