Policia e Pogradecit ka vënë në pranga shtetasin N.Xh, 36-vjeç pasi u kap me 26 doza me lëndë të dyshuar narkotike kanabis.
Njoftimi:
Goditet një rast i shpërndarjes së lëndëve narkotike, e ndarë në doza gati për shitje.
Arrestohet në flagrancë 1 shtetas.
Specialistët për Hetimin e Krimeve, në Komisariatin e Policisë Pogradec bënë kapjen dhe arrestimin në flagrancë të shtetasit:
N.Xh, 36 vjeç, banues në Pogradec.
Arrestimi i tij u bë pasi nga informacione të siguruara në rrugë policore, si edhe nga kontrolli trupor që shërbimet e Policisë ushtruan ndaj këtij shtetasi në lagjen nr.1, në Pogradec, iu gjetën dhe sekuestruan në cilësinë e provës materiale 26 doza me lëndë të dyshuar narkotike kanabis.
Materialet i kaluan Prokurorisë pranë Gjykatës së Shkallës së Parë Pogradec për veprime të mëtejshme.
