Ka humbur jetën në spitalin e Traumës në Tiranë, i moshuari që mbrëmjen e së shtunës u përplas nga një automjet.
Aksidenti ndodhi në Lushnje, ku një automjet tip “Benz” goditi 69-vjeçarin, Myfit Dingo, banues në Dushk, i cili u ecte me biçikletë në bulevardin e hyrjes veriore të qytetit.
Ai u transportua në Spitalin e Traumës Tiranë në gjendje të rëndë shëndetësore por nuk ka mundur të mbijetojë
Policia ka shoqëruar në komisariat drejtuesin e mjetit shtetasin S. R., banues në Dushk.
Grupi hetimor po punon për zbardhjen e plotë të ngjarjes.