Gjykata e Krimeve të Rënda vendosi masën e sigurisë ‘arrest me burg’ për shtetasin Ylber Ademin.
Ademi u arrestua në aksin nacional Elbasan-Peqin duke udhëtuar me automjet, ku iu sekuestruan 19 pistoleta, 400 fishekë dhe 4 kallëpe tritoli.
Sipas policisë, 51-vjeçari i trafikonte armët nga Serbia dhe i transportonte në Kosovë e më pas destinacioni final ishte Shqipëria, ku dhe i shiste.
Autoritetet e kishin mbajtur nën vëzhgim Ylber Ademin para se ta arrestonin, me qëllim që të zbulonin blerësit e armëve dhe personat e tjerë të përfshirë në këtë skemë.
Nga veprimet e deritanishme proaktive ka rezultuar se 51-vjeçari ka shitur edhe më parë armë luftarake në Kosovë, Shqipëri e vende të tjera.
