Zbardhen emrat e të arrestuarve për ngjarjen e rëndë që ndodhi disa ditë më parë në Fier, ku trupi i Florian Selimit, u gjet i pajetë dhe i therur me thikë në vendin e quajtur “Kthesa e Hamilit”.
Të arrestuarit e dyshuar janë Sadri Selaci dhe Kiri Mernicaj.
Sot ata dolën përpara gjykatës së Rrethit Gjyqesor Fier e cila ka vendosur masën e sigurisë burg pa afat për dy të dyshuarit.
Trupi gjykues drejtohej nga gjyqtari Ergys Selmani dhe prokuror Erind Rehovica qe ka kerkuar edhe masen e sigurise arrest me burg per të pandehurit te cilet nuk e kane pranuar akuzen.
Në trupin e viktimes u gjetën shenja te prerjeve me thike nga te cilat ishte shkaktuar dhe vdekja.
Pamjet nga shoqerimi ne gjyq paraditen e te enjtes:
Ngjarja sipas policisë
Në vendin e quajtur “Kthesa e Hamilit” është gjetur pa shënja jete shtetasi F.S, 23 vjeç. Nga veprimet e para hetimore dyshohet se 23-vjeçari ka ndërruar jetë si pasojë e plagës së marë nga goditja me një mjet të mprehtë(thikë), dyshohet gjatë një konflikti.
Specialistët për Hetimin e Krimeve të Rënda në Drejtorinë Vendore të Policisë Fier, pas një pune të mirëfilltë hetimore, zbardhën dhe dokumentuan ngjarjen e ndodhur gjatë natës së datës 11.08.2019 në fshatin Hamil ku u gjet i vrarë me thikë 23 vjeçari F.S.
Në përfundim të hetimeve u arrestuan shtetasit:
S.S, 26 vjeç, banues në fshatin Sulaj.
K.M, 20 vjeç, banues në fshatin Sulaj.
Gjatë natës së datës 11.08.2019, në fshatin Hamil, këta shtetas në bashkëpunim me njëri tjetrin, për motive të dobëta, kanë vrarë me mjet prerës shtetasin F.S, 23 vjeç, i cili ka ndërruar jetë.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje” e kryer në bashkëpunim dhe “Prodhimi dhe mbajtja pa leje e armëve të ftohta”.
