Katër persona u arrestuan, mes të cilëve një i shpallur në kërkim gjatë një operacioni policor në Vlorë. Burime policore bënë të ditur goditjen e një grupi personash që vepronin në fushën e narkotikëve dhe vjedhjeve.
Sipas Policisë, një prej të arrestuarve ka tentuar të fusë në burg drogë, duke e fshehur në shollën e atleteve sportive, për një të burgosur, të dënuar për vjedhje.
Policia ka ndaluar shtetasin e shpallur në kërkim me inicialet F.M., 28 vjeç, banues në Vlorë.
Ndalimi i tij u bë pasi Gjykata e Shkallës së Parë Fier i ka caktuat masën e sigurisë “Arrest në burg” për veprat penale “Kultivimi i bimëve narkotike” dhe “Mbajtja pa leje të armëve të gjahut”.
Gjithashtu është arrestuar në flagrancë shtetasin italian C. G., 31 vjeç, banues në Napoli, Itali. Ky shtetas është kapur duke udhëtuar me një automjet, i cili dyshohet të jetë i trafikuar.
Nga verifikimet e kryera në lidhje me automjetin tip “Dacia Duster” ka rezultuar se është i vjedhur në shtetin italian.
