Policia e Tiranës ka vënë në pranga një 47-vjeçar që posedonte armët e municionin luftarak. Bëhet fjalë për shtetasin D. H., banues ne Ballashenj, Njësia Administrative Pezë.
Arrestimi i tij u bë i mundur edhe falë informacioneve të marra nga qytetarët.
Gjatë kontrollit në banesën e këtij shtetasi, uniformat blu gjetën dhe sekuestruan në cilësinë e provës materiale 1 armë zjarri pistoletë me 8 fishekë.
Po në vijim të kontrollit, në afërsi të banesës së tij policia gjetën dhe sekuestruan edhe dy armë zjarri të tjera, konkretisht një automatik kallashnikov dhe një pushkë, si dhe 300 fishekë luftarakë.
Vijon puna në bashkëpunim me Prokurorinë e rrethit Gjyqësor Tiranë me qëllim dokumentimin e plotë ligjor të veprimtarisë kriminale të shtetasit D. H.
Materialet i kaluan Prokurorisë pranë Gjykatës së Shkallës Parë Tiranë për veprime të mëtejshme.
