Mbrëmjen e së mërkurës rojet bregdetare në Durrës, kanë arritur të shpëtojnë 7 turistë të cilët rrezikonin të mbyteshin.
Mjeti lundrues ka pësuar avari dhe është dashur ndërhyrja e rojes bregdetare për t’i nxjerrë në breg. Përveç panikut, turistët nuk pësuan asnjë lëndim.
Njoftimi
Shpëtohet jahti me vela me 7 turistë Italianë: S/Y Cayman me flamur Italian i cili ishte nisur nga Korfuzi për në Kroaci, i ka kërkuar ndihmë Kapitenerisë së Portit Durrës pasditen e sotme, pasi gjiu i Durrësit u përfshi nga një stuhi e fuqishme me erë të fortë dhe shi, veliera pësoi difekt në det 5 milje nga Durrësi dhe Kapiteneria e Durrësit nisi në drejtim të saj mjetin rimorkues “Joni”, i cili e rimorkoi deri në Portin e Durrësit. Të 7 personat në bord janë në gjendje të mirë shëndetësore.