Satedin Erkoçeviq, 28-vjeç nga Shkodra, u arrestua mbrëmjen e djeshme në Tiranë. Policia zyrtarisht tha se kishte parandaluar një vrasje, ndërsa Erkoçeviq ishte në kërkim pasi ishte dënuar me 20 vjet burg për vrasje.
“Mbrëmë rreth orës 20:50 është marrë njoftimi nga ana e shërbimeve të Seksionit të Hetimit të Krimeve në Komisariatin e Policisë Nr. 2 Tiranë së në rrugën “Bilal Xhaferi”, ndodhej një person i cili bënte lëvizje të dyshimta dhe dyshohej se kishte armë zjarri me vete.
Policia ka organizuar punën duke bërë lokalizimin e menjëhershëm të personit të dyshuar.
Shërbimet e Policisë kanë mbajtur nën kontroll personin duke bërë të mundur që me metoda të shpejta proaktive në bashkëpunim me DVP Tiranë dhe Shkodër të identifikonin personin e dyshuar, person me rrezikshmëri të lartë shoqërore.
Shërbimet policore kanë ndërhyrë menjëherë duke e neutralizuar dhe shoqëruar në komisariatin e Policisë Nr. 2, shtetasin Sadetin Erkoçeviq, 28 vjeç, lindur dhe banues në Shkodër”, thuhet në njoftimin e policisë.
Parandalohet vrasja në Tiranë/ Arrestohet 28-vjeçari shkodran, i dënuar për vrasje. Detajet
Vendimi/ Kush është Sadetin Erkoceviq, i dënuari për vrasje…