Partia Demokratike ka dhënë njoftimin se në orën 11:30 sekretari i Përgjithshëm, Gazment Bardhi do të dalë në një konferencë shtypi në selinë blu.
Bardhi pritet të paraqesë dosjen e plotë të kryebashkiakut të Shkodrës i dalë nga “30 qershori” Valdrin Pjetri. PD Shkodër dje paralajmëroi se nesër shqiptarët do kenë mundësi të shikojnë me letra se çfarë është për përfaqësuesin politik të Edi Ramës në Qarkun Shkodër data 27 Janar 2003.
Sipas PD ekzistojnë të dhëna, indicie dhe dëshmi publike se Valdrin Pjetri nuk mund të ushtrojë funksion publik për shkak te ligjit të dekriminalizimit. Në vitin 2001-2002, Valdrin Pjetri ka qenë i arrestuar/ndaluar në Itali (ka jetuar në Firence, Itali) dhe, më pas, ndaj tij është marrë masa e dëbimit nga autoritetet përgjegjëse italiane. Nga verifikimi i të dhënave të sistemit TIMS rezulton se shtetasi Valdrin Pjetri nga periudha 2002 – 23.03.2010 nuk ka udhëtuar në asnjë rast të vetëm në drejtim të Italisë.
