Adil Rami në telashe. Olympique Marseille ka prishur kontratën me mbrojtësin 33-vjeçar, 2 vite më herët nga sa ishte shkruar në marrëveshjen mes palëve.
Shkak është bërë pjesëmarrja e Adil Rami në një program televiziv me justifikim se ishte i dëmtuar.
Lajmi është publikuar nga gazeta prestigjioze “L’Equipe”, e cila shkruan gjithashtu se Rami tashmë ka mbetur në mes të 4 rrugëve.
Sjelljet aspak profesionale të 33-vjeçarit me origjinë marokene kanë detyruar drejtuesit e OM të merrnin masën drastike dhe të prishnin kontratën me Rami.
Avokatët e futbollistit do ta çojnë çështjen në gjykatë, megjithatë shanset që lojtari ta fitojë këtë betejë janë minimale.