Prej ditës së dielë, vendi ynë është përfshirë nga rrymat e nxehta, ndërsa temperaturat kanë arritur mbi 40 gradë celcius.
Moti i nxehtë është ndikuar nga masat ajrore me origjinë nga Afrika e Veriut, ndërsa pritet që nga e mërkura dhe në vazhdim të ketë një ulje të temperaturave.
Madje prej ditës së nesërme parashikohen reshje lokale dhe shtrëngata, por në disa zona paralajmërohen edhe rrebeshe, kryesisht ato malore.
Por si e përballuan të nxehtin qytetarët shqiptarë.
Një pjesë e tyre i janë drejtuar plazheve, ndërsa në Tiranë zgjidhja e vetme ka qenë freskia përmes ujit.
Fotot e mëposhtme të realizuara nga LSA tregojnë momente pikante.