Ish-drejtori i burgut të Kosovës në Lushnje, Judmir Shurdhi është lënë i lirë pas vendimit të Gjykatës së Elbasanit ditën e sotme. Hetimet ndaj Shurdhit dhe ish vartësit të tij kartelistit Llazar Mino të vazhdojnë por në gjendje të lirë.
Arrestimi i drejtorit u bë i ditur nga ministrja e Drejtësisë Etilda Gjonaj me datë 30 korrik, por sot u hodh poshtë nga gjykata e Elbasanit.
Shurdhi dhe Mino u arrestuan pasi sipas hetimit administrativ të shërbimit dhe kontrollit të brendshëm në burgje kishin firmosur për të liruar nga qelia 40 ditë para se të mbaronte dënimin, Lulzim Cakën personin e dënuar për vrasje e krime makabre në vitin 1997.
Prej 30 korrikut në kërkim u shpall dhe i liruari Lulzim Caka për të cilin Policia e Shtetit prej asaj dite nuk ka dhënë asnjë njoftim se ku po e kërkon dhe se si mundi ai të arratisej sapo doli nga burgu.
