Një aksident me vdekje ka ndodhur këtë të hënë në Fier, ku viktimë ka mbetur 65-vjeçari Ded Ndoi. Sipas policisë, nën drejtimin e një motori, ai është përplasur me një automjet. Për pasojë, ka ndërruar jetë.
“Rreth orës 15:15, në afërsi të fshatit Levan, shtetasi G.S, 24 vjeç, banues në Tiranë, duke drejtuar automjetin tip ‘Volkswagen’, është përplasur me motoçikletën tip ‘Yamaha’, pa targa, ku si pasojë ka ndërruar jetë drejtuesi i saj, banues në Kryegjatë. Në vendngjarje shkoi grupi hetimor dhe po punon për dokumentimin dhe sqarimin e rrethanave. Shtetasi G.S. është shoqëruar në Komisariatin e Policisë Fier për veprime të mëtejshme proceduriale”, njoftoi policia.
