Burime zyrtare nga policia bënë me dije se mjeti tip “Benzi” i drejtuar nga 29-vjeçari ka dalë nga rruga. Për pasojë ka ndërruar jetë Velçani, ndërsa është plagosur personi tjetër i cili ishte pasagjer në makinë, D.K., 42 vjeç.
“Rreth orës 20:15, në vendin e quajtur ‘Varrezat e Ardenicës’, shtetasi A.V, 29 vjeç, banues në Kolonjë, duke drejtuar automjetin tip ‘Benz’ ka dalë nga rruga. Si pasojë e daljes nga rruga, ka ndërruar jetë shtetasi A.V dhe është dëmtuar pasagjeri, shtetasi D.K, 42 vjeç, banues në Kolonjë, i cili ndodhet në Spitalin e Lushnjes nën kujdesin e mjekëve. Grupi hetimor në vendngjarje po punon për zbardhjen e shkakut të daljes nga rruga”, njoftoi policia.
Ky është aksidenti i dytë fatal në vend këtë të hënë. Më herët gjatë ditës së sotme, 65-vjeçari Ded Ndoi humbi jetën pasi motori me të cilin lëvizte u përplas me një automjet.
