Petrit Vasili, nënkryetar i LSI-së, ka reaguar ashpër lidhur me vendosjen e memorialit të ushtarëve turq, që humbën jetën 3 vjet më parë, gjatë grushtit të dështuar të shtetit në Turqi.
Vasili thotë se memorialë të tillë bëhen për pazare nga pazarxhinj “pa zemër dhe atdhe”.
Postimi i plotë:
Per nje memorial per kete epitaf te Ndoc Gjetjes se madh nuk gjendet dot vend.
Vendet ne Shqiperi i kane zene memoriale lloj soj, nga kudo dhe nga askund, per asgje dhe per shumëgjë, qe lidhje me ne nuk kane as me ne dhe as me te shkuaren apo te ardhmen, por thjesht me nje pazar te ca pazarxhinjve pa zemer e pa atdhe, qe shfaqen perzishëm dhe turpshem mes nesh….!!
Poezi nga Ndoc Gjetja :
EPITAF PER VETEN
Ketu prehet ai qe quhej Ndoc Gjetja
i cili pati ardhur gabimisht ne bote
nga vetja e tepruar nxirrte vjersha
dhe gjithe njerezit i quante shoke
Kur pa qe enderra kalkulohej me kompjuter
kur pa se idealet rrezoheshin ne kolltuqe
kur jepte buzeqeshje dhe merrte skermitje
zuri syte me dore dhe vendosi te ikte.
Dhe shkoji e hyri ne manastirin e Unit
te shpetonte shpirtin nga gjuheligat e lehjes
Pastaj e percollen ne banesen e fundit
me shpenzimet falas nga Bashkia e Lezhes.
Ne castin e mbrame nje hene e pergjakur
e puthi ne balle dhe thirri “Nene”
Mos kerkoni te dini per te me teper
se iku sikur te mos kishte qene
